Ғылымның шырағын маздатып, боламын деген баланың белін буған, талай тұлпардың аламанда тұсауын кескен өнертапқыш, автокөлік өндірісі саласында ерен еңбегімен көзге түсіп, ойлап тапқан жобалары әлі күнге де ғылымда таңданыс тудырып келе жатқан, «Теңізшевройл» АҚ инфрақұрылымдық және зауыттық жобалардың құрылыс тобының жетекшісі Ысқақов Болат Ысқақұлы 1963 жылдың мамыр айының 10-жұлдызында Қарағанды облысы, Ақтоғай ауданы, Жамшы ауылы, Имек бөлімшесінде дүниеге келді. Сонау қылыштың жүзіндей қылпылдап тұрған заманда да тура жолдан таймаған туғанына мойын бұрмай әділдікті қара қылды қақ жара отырып айтқан тұлғалардың табаны тиген өлкеде балалығын өткізді.      Одан арғы білімін Алматыда және Қарағанды облысы, Ақшатау ауылында жалғастырып, сол жақтан мектепті бітіріп шыққан Болат Ысқақұлы 1981-1983 жылдары Кеңес әскері сапында Отан алдындағы азаматтық борышын өтеп келіп, әскери бөлімнің жолдамасымен Қарағанды Еңбек Қызыл Ту орденді политехникалық институтының көлік-жол факультетіне «Автомобиль және автомобиль өнеркәсібі» (инженер-механик) мамандығы бойынша оқуға түсті.
      - Әлі күнге дейін есімде №1 студенттік жатақханада тұрдым. Бірінші курс, оқудағы қиындықтар, жастық шақ. Менің серуендегім келеді, кинотеатрға барғым келеді. Кейде кешке дейін оқуға, таңертең институтқа жүгіруге тура келетін. Жатақханалардың жеке студенттік кеңесі болды, құрамы студенттерден құралды. Жатақханаларды техникалық қамтамасыз етумен институттың шаруашылық бөлімінің коменданты мен техникалық қызметкерлері айналысты.
      Ақаулықтарды жою және жөндеу үшін санитарлық тораптар, душ және қосалқы бөлмелер жиі жабылды. Одан кейін сантехниктің көмекшісі жоғары курс студенті болды. Менің қабілетім мен шеберлігімді байқаған басшылық мені жатақхананың коммуникация жүйесін, одан әрі институттың оқу корпустарын жөндеу жұмыстарына тартты.      Оқу жақсы өтті. Ол техникалық қызметпен айналысып, институттың қоғамдық өміріне белсене араласты. Екінші курсты бітірген соң факультетіміздің студенті Заура Сәрсеноваға үйленді. Жаңадан бастаған жас отбасы үшін мұндай жүктеме қолайсыздықты тудырды. Мен жұртшылық үшін жеке басымды құрбан етуге тура келдім. Нәтижесінде мен практикалық дағдылар мен болашақта өзіме пайдалы болатын тәжірибе алдым.
      Факультет деканы Интықов Тоқмырза Смағұлұлының жетекшілігімен студенттік комендант басқаратын Тәуелсіз студенттік кеңес КПТИ-де алғашқы студенттердің өзіне-өзі қызмет көрсету жатақханасын ұйымдастырды. Олар барлық техникалық қызмет көрсету және жөндеу жұмыстарын жүргізді. Тоқмырза Смағұлұлы оқу ғимараты мен жатақхананың коммуникация жүйесін қайта жөндеуден өткізу туралы шешім қабылдағанда кейіпкеріміз жан-жақты көмектесті, қала кәсіпорындарымен байланысы арқылы су және жылумен қамтуға қажетті материалдарды алуға рұқсаттар ұйымдастырды. Мен әлі күнге дейін барлық сыныптастарыммен, кейбір мұғалімдермен байланыстамын. Басшылық еңбегімді лайықты бағалап, «Көлік және жол факультетіне 50 жыл» медалімен марапаттап, есімім Көлік-жол факультеті кітабының студенттерінің тізіміне енді, – дейді Болат Ысқақұлы.      Жоғарғы оқу орнын бітірген Болат Ысқақұлы Қарағанды жүк автомобиль басқармасына, №2576 автоколоннаға жүк агрегаттарын жөндеу шебері болып жіберілді. Жас маман ретінде негізгі жұмысымен қатар кәсіпорынға да пайда әкеле білді. Басшылық атынан «Кәсіпорынның көліктік-қаржылық жоспарын» есептеуге қатысты кәсіпорынның табыстылығын экономикалық негіздеуге үлес қосты.
      Жөндеу шеберханалары үшін жүк көліктерінің дөңгелектерін бөлшектеуге және монтаждауға арналған механикаландырылған стенд пен КамАЗ көліктерін бөлшектеуге және жинауға арналған стенд ойлап тапты. Автобасқарманың басшылығы, сол кездегі Қарағанды облысының жүк автобасқармасының бас инженері, қазіргі таңда УЛЕ КАО (Қазақстан Автомобильшілер Одағы (ҚАО)) бас директоры Аманбаев Сәбит Шаяхметұлы екі адамға өнертабыстары үшін «Инноватор» дәрежесін берді.
      Міне, сол кезде Болат Ысқақұлының ойлап тапқан дүниелері мен өнертабыстары әлі күнге дейін кәсіпорында жұмыс істейді.Ол өз нәтижесін беріп, қол еңбегін жеңілдетіп, сол арқылы жұмыстағы қауіпсіздік мәдениетін арттырды.
      Тоқсаныншы жылдардағы тоқырау Болат Ысқақұлы еңбек ететін саланы да айналып өтпеді. Кәсіпорын мен Ресей автомобиль зауыты арасындағы барлық байланыстар қысқарды. Өңірдегі барлық кәсіпорындарда өндірістер құлдырады. Автокөліктердің негізгі қажетті қосалқы бөлшектері мен тораптарын жеткізу үзілді. Автокөліктердің тұрып қалуы басталды. Осыған байланысты тоқтап қалуды жою және кәсіпорындарды қосалқы бөлшектермен қамтамасыз ету мақсатында Болат Ысқақұлы еңбек ететін базада тәжірибелі инженерлер мен жүргізушілерден техникалық топ құрды.      Топ Қарағанды қаласындағы зауыттарда бөлшектерді жобалау және дайындаудың ықтимал нұсқаларын зерттеді. Міне, осындай ат төбеліндей ғана кіл үздіктердің үздігі жиналып шыққан шағын топтың ішінде бүгінгі кейіпкеріміз Болат Ысқақұлы да бар еді. Жұмыс тобы аз уақыт ішінде жақсы нәтижелерге қол жеткізді.
      Бөлшектердің конструкциялық ерекшеліктерін зерттеп, сызбаларды дайындап, Қарағанды машина жасау зауытының станоктарында тісті доңғалақтар мен беріліс қорабының біліктерін сынақтан шығаруды жолға қойды. Осылайша, шағын топтың жұмысы, автокөлік нарығын зерттеп, тоқырау жылдарындағы қиын жағдайлардан аз шығынмен өтуге сеп болды.
      Болат Ысқақұлы 1997 жылы Қарағанды қаласының «Горкомтранс» мекемесіне ӨМК бастығы болып ауысып, бірнеше жыл цех бастығы, бас инженер, Қарағанды қаласының қалалық коммуналдық шаруашылығының басшылығымен жұмыс жасап, Механикалық цех қызметінде әртүрлі әкімшілік, техникалық және бақылау функцияларын орындау қызметінде болды.
      Бұл жылдар кәсіпорынның директоры Юрий Григорьевич Сорокин басқаратын кәсіпорын үшін де оңай болған жоқ, олар қатты тұрмыстық қалдықтарды жинау және жою ұйымдары бойынша әртүрлі топтар құрды. Салмақты топтың бірі Болат Ысқақұлы басшылық ететін техникалық топ болды. Олар Мәскеудің коммуналдық кәсіпорнының қатты тұрмыстық қалдықтарды жинау тәжірибесін зерттеп, барлық қажетті аспектілерді зерттей келе Қарағанды қаласына жергілікті жерде осындай жұмыс әдісін жасап шығарды. Атап айтар болсақ, Автокөліктерді қайта жарақтандыру цехтары ұйымдастырып, тұрмыстық қатты қалдықтарды жинау және тасымалдау бойынша ұйымдастыру-жедел топ құрылды.      Болат Ысқақұлы 2011 жылдан бері Атырау облысындағы «Теңізшевройл» ЖШС-де жұмыс жасап, бүгінгі таңда «Теңізшевройл» АҚ инфрақұрылымдық және зауыттық жобалардың құрылыс тобының жетекшісі қызметін абыроймен атқарып келеді.      Бұл мұнай кешенінде еңбек жолын – СҚТҚ (ағынды суларды тазарту құрылыстары) жобасын пайдалануға беру жөніндегі инженер-механик лауазымынан бастап, Атырау облысындағы ағынды суларды жинау және тазарту бойынша Қазақстандағы тұңғыш бірегей жобасын жасап шығарды. Онымен әлі күнге дейін өзі де мақтан тұтады. Барлық жұмыстар және соңғы өнім алу өндірістің қазіргі даму деңгейіне сәйкес келетін шетелдік озық технологияға негізделген.
      Құм ұстағыш пен құм классификаторына техникалық қызмет көрсету және іске қосу, автоматты тор қондырғыларын қайта құрумен, алдын ала іске қосқаннан кейін бөлшектеу және жөндеу, техникалық қызмет көрсету және іске қосу жұмыстарымен айналысты.
      Бүгінгі таңда қызметтік міндеттемелері құрылыс мамандарының есеп беретін жұмыс тобының тікелей басшылығын және тиімді жұмысын қамтамасыз ету және Инфрақұрылымдық және зауыттық жобалар бойынша жұмыстарды қауіпсіз және тиімді орындау үшін Іскер серіктестердің құрылыс барысын қадағалауды қамтамасыз ету болып табылатын Болат Ысқақұлы өзіне сеніп тапсырылған қыз-
метін жоғары деңгейде атқарып келе жатқан білікті маман, парасатты басшы.
      Әуелі қарапайым еңбек жолынан танылып, басшылықтың көзіне түскен Болат Ысқақұлы ұжым мақтанышына айналып, сенім үдесінен шыға білді. Туған жеріндегі біраз игі істердің жүзеге асуына өзінің үлесін молынан қосып келе жатқан оның иманы таза, діні берік, тіліне жанашыр азаматтардың бірі десек артық айтпаған болар едік. Кейіпкеріміз өмірлік жары Сәрсенова Зәуре Сейітжанқызы екеуі балалары Ержан, Әсел, Гүлден Болатқызы сынды алтын асықтай ұл-қыз тәрбиелеп отырған бақытты ата-ана.      Мәңгілік ел болуға бет бұрған Қазақ елінің ғылымының өркендеуіне өз үлесін қосып, артында өшпес із қалдырған Болат Ысқақұлының деніне саулық, отбасына амандық тілейміз! Ғылымға бет бұрған әр студентке дұрыс бағыт сілтер темірқазық болып жүре беріңіз демекпіз!