«Чернобыль Ардагерлер Одағы» қоғамдық бірлестігінің төрағасы

      Нахбаев Сайфулин Нақыпбекұлы 29 мамыр 1966 жылы Оңтүстік Қазақстан облысы, Алғабас ауданы, XXII партсъезде Қызыларық ауылында дүниеге келген. 1981 жылы «Сарыбұлақ» сегіз жылдық мектепті, кейін 1983 жылы Саттар Ерубаев атындағы орта мектепті жақсы бағамен бітірді.
      1983 жылы Савхоз XXII партсъезде түрлі жұмыстар атқарған. 1984 жылы СПТУ-80 де училищиге түсіп, жүргізуші мамандығын алып шықты. 1985 жылы әскер қатарына алынып, Украинаның Чернигов қаласындаға 77017 әскери бөлімінде маусым айында әскери ант қабылдады. Әскери дайындықта «сержант» атағын алған. Одан кейін «аға сержант» бөлімше командирі болды. 1986 жылы 14 маусымнан 7 тамызға дейін көшіру аумағындағы Чернобыль АЭС апатының салдарын жою бойынша жұмыстар атқарған. Сол жерде ерекше күрделі ортада Кеңес үкіметінің міндетін жүзеге асыру кезінде сенімді батылдық пен табандылық, жоғары саяси-моральдік және психологиялық сапа көрсеткенін дәлелдейтін куәлік те алды. Сайфулин Чернобль АЭС кездейсоқ зардаптарын жою үшін жұмысының терең жауапкершілігін түсініп, маңызы жоғары жұмыстардың басы-қасында жүрді. Сөйтіп жүргенде КСРО-ның Қорғаныс министрінің бұйрығымен 1987 жылы 15 маусымда әсери борышын өтеп елге оралды. Ол 1990-1991 жылдары облыстық комсомол комитетінің жанындағы Облыстық шаруашылық есептегі «Студсервис» бірлестігінің бас директоры қызметін атқарды. Жастарды патриоттық тәрбиеге баулып, Отан сүйгіштікке тәрбиеледі.
      1992 жылы Шымкент педагогикалық институтында «Инженер педагог» мамандығын сырттай бітірді. Дәл сол жылы «Достық» шағын кәсіпорнында жұмыс істеп, директор болды. Егемендік алып, Қазақстан Республикасы мемлекеті болғаннан кейін, әртүрлі фирмаларда және корпорацияларда қызмет атқарды. Қазіргі уақытта Шымкент қаласының «Чернобыль Ардагерлер Одағы» қоғамдық бірлестігінің төрағасы.
      Ол - Чернобль АЭС апатына қатысып, залалсыздандыруға атсалысқаны үшін, «Алғыс хаттармен», «Грамота», дипломдар және мерейтойлық медальдармен, «За Службу Родине и Особые Заслуги» I и II степени Ордендермен марпатталған. Елбасы Н. Назарбаевтың жарлығымен 2016 жылы «Ерен еңбегі үшін» медалімен марапатталды. 2017 жылы ОҚО сіңірген еңбегің үшін алғыс алғаны тағы бар.
      Өмірлік жары - Айдын Байдыбекова Мұхтар Әуезов атындағы университетте жоғары математика пәнінің мұғалімі. Педагогика ғылымдарының кандидаты, «доцент» - деген ғылыми дәрежесі бар. Қазірде отбасының берік тұтқасы болған Сайфулин екі қыз, бір ұл тәрбиелеп өсірді. Үлкен қызы Айгерім Нахбаева 1989 жылы дүниеге келген. Қазірде облыстық балалар ауруханасының дәрігері. Ал, 1991 туған қызы Гүлісхан Нахбаева КазҰУ-дің магистрі атанып, қазірде Мұхтар Әуезов атындағы университетте шет тілі пәнінің мұғалімі қызметін атқаруда. Ол шахматтан қазақ қыздарының тұңғыш «Гроссмейстері». «Қазақстан құрама командасының» капитаны, үш дүркін «Азия» чемпионы. Халықаралық жарыстардың жеңімпазы. Гүлісхан Шымкент қаласы білім басқармасының орынбасары болып тағайындалды жəне Қазақстан Республикасының 7 дүркін чемпионы, әйелдер арасында. «Чемпион» атағын ұстап отыр.
      Өмір жолында тек еңбекпен жетістіктерге жеткен Сайфуллиннің ұлы да үш қызынан кем түспеді. 1992 жылы туған Нұркен Нақбаев Мұхтар Әуезов атындағы университеттің құрылысшы мамандығын «қызыл» дипломмен бітірді. Қазір Түркістан облысы әкімдігі кұрылыс бөлімінде бас маман және запастағы аға лейтенант.
      Қарап отырсақ, ұл-қыздарының барлығы әкенің берік тәрбиесінен болар, өзі таңдаған саланың басын ұстап, шеберлігін шыңдаудан еш жалықпаған. Сайфулин Нахбаев өзіне деген сенімділігі мен тұрақтылығының арқасында алдағы күндеріне де үмітпен қараған. Еңбек жолында қызмет бабымен жастарды Отан сүйгіштікке тәрбиелеп, бағыт-бағдар көрсете білген ол - өз отбасында сол тәрбиемен өсіріп, жетілдіріп отыр. Демек, ұстанымы берік жанның тәрбиесі отбасындағы балаларды ғана емес, басқа да жастарға тиді деуге болады. Жоғарыда атап өткендей, 1991 бірлестіктің басын ұстап тұрған кезде, өңір жастарын Отан сүйгіштікке тәрбиелеп отырғаны рас. Әрине әркімнің өз таңдаған жолы, асқар арманы, шығар биігі бар. Сайфулиннің де айтпағы сол «әркім өмірден өзіне керектін алуы керек» - дегенге сияды. Әрине, сол жолда өскелең ұрпаққа тәрбие беруден жалықпайтын Сайфулин Нахбаев секілді жандар көп болсын демекпіз.