Ибраева Жаңылсын

Рейтинг:

Мамандығының майталманы

      Бүгінгі заман талабы жан-жақтылықты талап етеді. Ізденген адам өзінің дегеніне жетпей қоймайды. Ал шын ниет пен табанды қасиет бизнеске жол ашып, қалтаңды қаржыға толтырып, экономикадағы білім-біліктілігіңді шыңдай түсері сөзсіз. Іскерлік әлемге бойлай білу жеке тұлғаның өмірін, ұстанымы мен бағытын, тіпті мансабын да өзгерте алады. Біз әңгіме еткелі отырған Жаңылсын Есейқызы да тәжірибесі мол, ісі тиянақты, алға қойған мақсатына жетпей тынбайтын іскер әйелдердің қатарынан. Талмай ізденіп, білімін шыңдап отыратын кейіпкеріміз әрбір күнін жоспарлап, пайдасыз нәрселерден бойын аулақ ұстайды. Күн-түн демей, өзіне деген тапсырмаларды мейлінше артық орындауға тырысып бағады. Ол осындай жұмыс ырғағына үйреніп те қалған. Әдеттегі әдетінше, ертемен оянып, салауатты өмір салтын ұстанып, ширақ қалпымен өзінің жұмысына белсене кіріседі.       Нарықтың талабын түсініп, қаржы саласында қызмет етіп келе жатқан Жаңылсын Есейқызы 1988 жылдың мамыр айының 15-жұлдызында қазіргі Түркістан облысы, Түркістан қаласында дүниеге келді. Өмірдегі тірегі, асқар тау әкесі Ибраев Есей Иманқұлұлы 1953 жылы қазан айының 6-жұлдызында көпбалалы отбасында дүниеге келген. Кейіпкеріміз өмір жолында инженер болып қызмет еткен. Ал мейірімі күн нұрынан да жылы анасы Тажибаева Куляим 1961 жылы ақпан айының 2-жұлдызында көпбалалы отбасында дүниеге келген. Кейіпкеріміз өмір жолында медбике болып еңбек еткен ардақты тұлға. Куляим апа - "Күміс алқа" иегері, қазіргі таңда зейнетте. Аяулы ата-анасынан өнегелі тәрбиесін алып өскен Жаңылсын әкесіне өте ерекше жақын болып өсті. "Ешкіммен ұрыспаңдар, ренжіспеңдер, қарыз болмаңдар" деп ескертіп отыратын Есей әке адамгершілігі мол, сауатты, кітапқұмар, бауырларына жанашыр кісі болған. Әсіресе өз анасына ерекше қамқорлықпен құрмет көрсететін. Беркелі отбасында кейіпкерлеріміз 1 ұл мен 5 қызды тәрбиелеп өсірді. Әпкелері Зубайра, Майра, Айжан, Дамира, інісі Дінмұхамед. Барлығы медицина саласында халыққа адал қызмет етуде.
      Талай ақынның жырына арқау болған, топырағында талай ұлылардың табан ізі қалған қасиетті мекенде балалығын өткізіп, дін мен ділдің, өнер мен мәдениеттің ортасына айналған өлкеде мектеп табалдырығын аттады. Өмірде әрбір адамның бір арманы болатыны секілді, мектептегі, сыныптағы, қоғамдық іс-шараларға белсене қатысып, өзінің қарым-қабілетімен таныла білген Жаңылсын Есейқызының да арманы – қаржы саласының қайсар да қабілетті маманы болу еді. 
      Әділдікті ту еткен кесінен адалдық пен еңбекқорлықты, сабырлылық пен қайраттылықты үйренсе, шаңырақтың ішін берекеге бөлеп, әулеттің түтінін түзу ұшырған анасынан мейірімділік пен қарапайымдылықты, адами асыл қасиеттерді бойына сіңіре білген жас мектеп қабырғасында да үздіктердің сапында болды.      Өмірге құштар, бастаған ісін аяқсыз қалдырмайтын, өз дегеніне жеткенше тынбай еңбектене білетін жастың арманы есік сыртында қалып қойған жоқ, ата-анасының ақ батасы, ұстаздарының үкілі үміті, өзінің білім деңгейінің жоғарылығының арқасында Жаңылсын Есейқызы білім ордасын тәмамдаған соң, Түркістан қаласындағы Қ.А. Ясауи атындағы ХҚТУ-ге оқуға түседі. 
      Қазаны ортаймайтын қазыналы өлкеде балалығыны өткізген Жаңылсын Есейқызы талай тарландармен дүлдүлдердің кіндік қаны тамып, табан ізі қалған жерде білім алып, жоғарғы оқу орнын «Қаржы» мамандығы бойынша бітіріп шығады. Қолына алған ісін шыр айналдырып алып кететін, өзіне тапсырылған жұмыста жауапкершілікпен, тиянақты әрі өз уақытында орындайтын жас маман өзінің алдына қойған мақсатын қаржы саласымен байланыстырып, алғашқы еңбек жолын 2009 жылы Түркістан қаласындағы «Талғат» клиникасында бастады.
      Қаржы саласында қызмет ету – терең білімді, ізденісті, елгезектік пен алғырлықты және тиянақтылық пен үлкен жауапкершілікті талап етеді. Өз ісіне деген құштарлығының арқасында жұмысын уақытылы, адалынан атқара біліп, емен-жарқын мінезі, ұжымдастар арасындағы тілдесіп кету шеберлігінің арқасында, жас болса да құрмет пен бедел биігіне көтеріле білді. 
      Жаңылсын Есейқызының одан кейінгі қызметі 2012-2017 жылдары аралығында Түркістан қаласындағы Қ.А. Ясауи атындағы ХҚТУ-нің «Қаржы және бухгалтерлік есеп» бөлімінде жетекші маман болып жалғасса, 2018-2020 жылдары Түркістан қаласындағы «Ырыс» шағына несие беру ұйымында – жетекші маман қызметін атқарып, 2020 жылдан бастап Түркістан қаласындағы «Халықаралық туризм және меймандостық университетінің» Қаржы және бухгалтерлік есеп бөлімінде Бас есепші қызметін абыроймен атқарып келеді. Аталмыш университет 2019 жылы ҚР Тұңғыш Президентінің бұйрығымен ашылған болатын. Ақмола облысында өткен көшпелі кеңес отырысында Н.Назарбаев отандық туризм саласын дамытудың маңыздылығын айтып, туризм саласында тұңғыш бейімді университет құру жөнінде хаттамалық тапсырма берді. Мемлекет басшысы Қасым-Жомарт Кемелұлы Тоқаев «Ұлытау-2019» халықаралық туристік форумы барысында туризм саласында білікті кадрлар даярлау және Қазақстанда туризм университетін құру қажеттігін айтты. Осылайша, Қазақстан Республикасы Үкіметінің 2019 жылғы наурыздағы қаулысымен Қазақстан Республикасы Мәдениет және спорт министрлігінің жанынан Халықаралық туризм және қонақжайлылық университеті құрылды. Халықаралық университеттің Жібек жолы бойындағы Түркістан шаһарында орналасуының символдық мәні зор. Қазіргі уақытта университетте 8 білім беру бағдарламасы бойынша оқу үдерісі жүреді. Халықаралық туризм және меймандостық университеті еліміздегі Туризм саласын бойынша білікті кадрларды дайындайтын Республика бойынша алғашқы - Бейінді университет екенін де мақтанышпен айта аламыз. Оқу орны 2024 жылы маусым айында алғашқы түлектерін ұшырады. Туризм саласын бойынша білікті кадрларды дайындайтын Республика бойынша алғашқы университет екенін де мақтанышпен айта аламыз.       Сонымен қатар Жаңылсын Есейқызы «Сертификатталған кәсіби бухгалтерлер қауымдастығы» бухгалтерлердің аккредиттелген кәсіби ұйымы, «Кәсіби бухгалтерлер институты» бухгалтерлердің кәсіби ұйымының мүшесі.
      Білім деген түпсіз терең, бүгінгі ілім ертеңге жарамайды. Ізденген адам білімнің биігіне жетпей қоймайды. Бұл ретте кейіпкеріміз өзін әрдайым қамшылап, жаңалықтарды жиі шолып, жаңашылдықтарды үйреніп отырады. Жаңылсын Есейқызы әріптестері арасында беделі биік жан. Осыншама бедел жинау жылдар бойы келетін еңбек дейтін болсақ, оның қарапайымдылығы, адамгершілік асыл қасиеттері көпті сүйсінтіп тұрады. Қай кезде болмасын жүзі жарқырап, адамдарға ілтипатпен қарап, үлкенді де, кішіні де өзінің сыйлы кісісіндей көреді.      Иә, адамның қолынан келмейтін іс болмайды. Тек адамда ниет болуы керек. Кейіпкеріміз отбасында да асыл жар, аяулы ана. Жары Мустафаев Асанәлі Тауасарұлы 1987 жылы 13 сәуірде дүниеге келген. Мамандығы - нейрохирург. Бүгінде олар Тауасар Нұрәлі Асанәліұлы атты перзент тәрбиелеп отыр. 
      Бүгінгі кейіпкеріміз Жаңылсын Есейқызының кәсібі берекелі болып, ел-халықтың ықыласына бөлене берсін деген ізгі тілегімізді білдіреміз!
Оставить комментарий
  • Ваше имя*:

    E-Mail*:

  • Комментарий*:

  • Кликните на изображение чтобы обновить код, если он неразборчив

Последние комментарии

31 марта 2025 16:26
Алмагуль
Бақытжан аға мен Бақыт апай менің үлгі ұстар ұстаздарым. Мен үшін бұл кісілердің еңбектері ерең, орындары бөлек....
30 марта 2025 19:53
Людмила.
Наши самые дорогие, родные!!! БАХЫТЖАН Рахимжановичь здоровья вам и вашей большой семье! Горжусь, что с вами работала,...
25 марта 2025 23:30
Гульнар
Бүгінгі күні Серікбек пен Гульмира білімділігі мен біліктілігінің арқасында көптеген адамдардың алғысына бөлініп...