Тоқпейсов Қайролла

Рейтинг:

Теміржол саласының тарланы

      Өмірдің мәні де, нәрі де еңбекте екені даусыз. Адамды тек адамгершілік, сыйластық пен жанашырлық, адалдық пен қамқорлық ғана тұлға деңгейіне көтереді. Адам өз ғұмырындағы жағымды істерімен ғана көпшіліктің жүрегінен орын алады. Әңгіме еткелі отырған кейіпкеріміз Тоқпейсов Қайролла Нұртазаұлы сол қасиеттерді бойына сіңіре білген, өзінің қарапайым ғана тіршілігінде жан-жағына жағымды ісімен сыйлы болған азамат. Қазақ танымында «Сегіз қырлы, бір сырлы» деген әдемі ұғым бар. Оны осы азаматқа қарата айтсақ, бірнеше қасиеттерді бойына сыйдыра алғанын байқайсыз. Уақыт жүйрік. Ол бір орында тұрмайды. Заман ағымы өзгерістер әкелмей, алға қарай адымдауды талап етпей қоймайды. «Адам баласын заман емес, керісінше, адам өз заманын билеуі керек» деген қағида бар. Сол қағиданы бетке ұстаған азамат өз саласында талмай еңбектеніп, қандай қиындық көрсе де мойымады. Табаны күректей 26 жыл бойы теміржол саласында қызмет етті. Түрлі мінез-құлықты адамдармен бетпе-бет келіп, жолсерік болды. 
      Иә, кез келген мемлекетте теміржолдың атқарар рөлі зор. Ол қалаларды бір-бірімен жалғайтын ең маңызды транспорт артериясы болып қала бермек. Елімізде өткен ғасырдың 30 жылдары пайда болған қос рельсті көлік бірнеше мыңдаған адамдарды жұмыспен қамтамасыз етті. Әлі күнге дейін сол дәстүрден айныған емес. Параллель жатқан темір жол үстінде қаншама тағдыр, қаншама өмір байлаулы. Олардың көздеген мекен-жайына аман-есен баруын қамтамасыз етушілер де, сан мыңдаған адам мен неше тонна жүктердің де рельстердің үстімен жүйіткіп отырып, діттеген жеріне жетуі теміржолшылардың мойына жүктелген үлкен жауапкершілік.       Тоқпейсов Қайролла Нұртазаұлы 1958 жылы 20 желтоқсанда Алматы облысы, Балқаш ауданы, Қарой ауылында қарапайым отбасында дүниеге келді. 1975 жылы «Үлгілі» орта мектебін ойдағыдай бітіріп шығып, қатарластары секілді 1977-1979 жылдар аралығында Отан алдындағы борышын өтеп келді. Ауыл баласы қара еңбекпен есейіп, жұмыстың қандайын болмасын дөңгелентіп әкетті. Екі қолға бір күрек деп, табылған жұмысты таңдамай, ел қатарлы еңбектенді. Ауданда әр түрлі салада жұмыс істеп, өзінің жауапкершілігімен, іске деген икемділігімен, адамдармен тез тіл табыса алатындығымен, ұйымшыл әрі шапшаңдығымен көзге түсіп, еңбегі еленіп, облыстық комсомол комитеті Москва қаласында өткен бүкіл дүниежүзілік жастар мен студенттер фестиваліне 1986 жылы делегат болып сайланды. Бұл азаматтың тұлғалық қабілетін шыңдай түскендей болды. Алайда мақтангершілікті жаны сүймейтін азамат өзінің қарапайым қалпынан танбады. Қатардағы құрылыс шебері, прораб болып жұмыс істеді. 1995 жылдан Қазақстан темір жолында зейнетке шыққанға дейін «Оңтүстік» бөлімінде жолсерік болып жұмыс істеді. Өте ауыр да жауапты жұмыс қажыр-қайраты мықты азаматты қажыта алмады. Сол уақыттағы экономикалық қиын жағдайларға төтеп беріп, өз саласында табандылық көрсете білді. Сондай қызметі үшін алған марапаттары да жетерлік. Уақытпен санасуды білмейтін ол қажыр-қайратын, күш-жігерін жұмсап, адал еңбек етті. Білімі мен біліктілігі, сабырлы қалпы мен шыдамдылығы, парасаттылығы оны биік белестерге жетелей берді. Көпке тасымады, жоққа жасымады. Ел қатарлы бірқалыпты қарапайым тіршілік кешіп, бүгінде өз отбасына ақылшы болып отыр.       1982 жылы Беккулиева Мархабат Ақтайқызымен отау құрды. Жұбайы екеуі екі ұл тәрбиелеп, келін түсіріп, бүгінде немерелерінің қызықшылығын көріп отырған бақытты жандар. 
      -Теміржол саласы өз қиындықтары бір төбе салалардың бірі. Мұнда босаңсуға болмайды. Себебі адам тағдырынан қымбат жауапкершілік жоқ. Жол бойының майы қалай жұқса, наны да солай сіңімді болады екен. Сондықтан да балаларыма қай істе де жауапкершілікпен адал еңбек еткенде ғана абыройлы отбасы боласыңдар деп айтып отырамын. Өзім жұмысқа ерекше жігермен араласып, жаздың шыжыған ыстығында, қыстың сақылдаған аязды күндерінде болат жолдың бойында аса жауапкершілікпен тынбай еңбек еттік. Қазіргі теміржол саласы заман ағымына қарай дамып келеді, тепловоздар ауысып, жұмысшылардың жұмысы шамалы да болса жеңілдеді. Бір кнопканы түртіп қалсаң болғаны. Дегенмен де, қай кәсіптің болмасын жеңілі жоқ. 2021 жылы құрметті зейнеткерлік демалысына шықтым. Жолдасым Ақтайқызы Мархабаттың мамандығы қаржыгер, ол да зейнетте. Еңбегіміздің жемісін көріп отырмыз. Одан артық бақыт бола ма?! Ендігі тілегім болашағымыз жарқын елде бейбіт өмір сүрсін деймін, -дейді Қайролла Нұртазаұлы.       Уақыттың жүйріктігіне ешкімнің таласы жоқ қой. Алайда өткен өміріңе көз жіберген сәтте ізгіліктен қалған іздерің мен еленген еңбегіңнің жемісін көруден асқан бақыт жоқ шығар, сірә?! «Кісіні танымақ болсаң, ісіне қара» деген екен Жүсіп Баласағұни. Осындай атқарған еңбегімен ел құрметіне бөленген ол ешқашан уақытпен санаспай тер төкті. Оның қарапайым халықтан алған алғысының орны бөлек. Қашан көрсең де сабырлы қалпынан таймаған қарапайым да кішіпейіл мінезімен ерекшеленетін оны қалай мақтасақ та негіз бар. Көзге көрінбейтін еңбектен көзге көрінетін биіктің басталатыны осының айғағы шығар.       Иә, кез-келген қасиет адам баласына әкенің қанымен, ананың сүтімен даритыны ақиқат. «Істеп жүрген жұмысыңнан бақыт табамын десең, оның үш шарты орындалуы тиіс, біріншісі атқаруға тиісті жұмысыңа шамаң келетін болсын, екіншісі ол жұмысты ауырсынбайтын бол, үшіншісі істеген жұмысыңның нәтижесі болсын» дейді шығыс даналығы. Осындай қағиданы ұстанған Қайролла Нұртазаұлының өмірі мәнді де мағыналы. 
      Өмір деген ағын су секілді ғой. Көзді ашып-жұмғанша талай жасты еңсеріпті. «Көп еңбек еткенге бақыт басын иеді» деген сөздің жаны бар. Қызметтің үлкен-кішісі болмайды. Тек жауапкершілік жоғары болуы керек. Әр жұмысқа кіріскенде ар алдында тұрғандай болған оның шыққан биігі еңбегінің еленгені деп білеміз. Адал еңбек етіп, көпшіліктің ықыласына бөленген азамат өзінің өмір жолына разы.
Оставить комментарий
  • Ваше имя*:

    E-Mail*:

  • Комментарий*:

  • Кликните на изображение чтобы обновить код, если он неразборчив

Последние комментарии

31 марта 2025 16:26
Алмагуль
Бақытжан аға мен Бақыт апай менің үлгі ұстар ұстаздарым. Мен үшін бұл кісілердің еңбектері ерең, орындары бөлек....
30 марта 2025 19:53
Людмила.
Наши самые дорогие, родные!!! БАХЫТЖАН Рахимжановичь здоровья вам и вашей большой семье! Горжусь, что с вами работала,...
25 марта 2025 23:30
Гульнар
Бүгінгі күні Серікбек пен Гульмира білімділігі мен біліктілігінің арқасында көптеген адамдардың алғысына бөлініп...