Адам баласының өмірлік ұстанымы болмыс-бітіміне сай қалыптасып, мінез-дағдысына айналары хақ. Алайда, тұлға боп танылу кез келген жанның қолынан келе бермесі анық. Әйтсе де, тағдыр талайы өмірден алған тағылым-тәлімін сабақтап, өзіндік орнын қалыптастыруына алып келеді. Әр кезеңнің өзіндік сәні, талғамы, сапасы болады. Бастысы елге ұнайтын, елдің көңілінен шығатындай қызмет ете білу керек. Туған жерінің өркендеуіне өз үлесін қосып, аянбай еңбек еткен ардақ тұтар азаматтар жетерлік. Олардың есімдерін мақтанышпен айтып жүру де орынды. Сондай-ақ өз ісінің білгірі атанғандардың атқарған қызметі өсіп келе жатқан жастар үшін үлгі-өнеге. 
      Қазақта «сегіз қырлы, бір сырлы» деген теңеуі қай қырынан алса да үлгі етуге тұрарлық Қуаныш Қуатұлына қарата айтылғандай. Ізденімпаз, белсенді, ісі ширақ азамат бойындағы игі қасиеттерімен де ерек, қай істе де таза, тиянақты. Сондықтан да болар ол қай жерде болмасын жемісті еңбек етудің үлгісін көрсетіп келеді. Кез келген істе нақты шешім қабылдап, халық сұранысын, ұсыныс-пікірлерін ескеріп отырады. Жүктелген міндетті жұмыстардың іркіліссіз іске асуын басты назарында ұстайды.
      Қуат Қуаныш Қуатұлы 1992 жылы 13 шілдеде Алматы облысы, Жамбыл ауданы, Ұзынағаш ауылында дүниеге келген. 1999-2010 жылдары Алматы облысы, Жамбыл ауданы Ұзынағаш ауылында Абай атындағы мектеп гимназиясында білім алды. 2010-2014 жылдары Алматы қаласында жоғары білім алды. Орта Азия университетінде «Заңгерлік мамандағын» алып шықты. 2014-2019 жылдары Алматы облысы, Қарасай ауданында Қаскелең қаласында нотариус көмекшісі болды. 2019 жылдан бері өзі жеке нотариус болып жұмыс жасайды. 
      Қуаныш Қуатұлы «Сөздің емес, істің адамы» деп бағаласақ, дөп айтқан болар едік. Адамның беделі өзінің жеке басының толықтығына, өз еңбегімен, қажыр-қайратымен оның бойындағы ата-анасы дарытқан тәриесімен білінеді. Қуаныш атына заты сай абыройы асқақ азамат ретінде көпке таныс. Мамандығы заңгер-құқықтанушы. Білімді, білікті маман. Заңгерлік білімді өте зерек меңгерген, ой-арманы айқын, әр іске адал, қоғамдық іске бейім ол әріптестеріне айтары бар, әділдікке қылау түсірмеген турашыл, сабырлы мінезді, жан-жағына сыйлы, беделді де.
      Әділ биліктің айнасы – заңгерлікті таңдауы оның ата-тегінен тамыр тартқан тектілігін екені сөзсіз. Ол бала жастан шындықты жақтап, өтіріктен бойын аулақ ұстап, әрқашан әділдікке жанашыр бола білді. Оқушы кезінде мектеп мақтанышы болып, үздікке оқыды. Түрлі сайыстарға қатысып, жеңімпаздар қатарынан көрінді. Сахналық қойылымдарда, ақын-жазушылардың өлең-жырларын нақышына келтіріп мәнерлеп оқуда алдына жан салмайтын. Ал спорт дегенде ішкен асын жерге қоятын ол түрлі спорттық шаралардан қалмайтын. 
      Еңбекқор, елгезек, үлкеннің тілін алып, кішіге қамқор болып жүретін Қуаныш Қуатұлы реті келсе жүрегі тыныштық тауып, ұйқыға кете алмайды. Жастықтың буымен кейде қолына қалам алып, ойына келгендерді түртіп алатын. Бала арманы әділдікті қалайтын. Бірақ кім боламын, қандай мамандық таңдаймын деп өзіне сұрақ қойғанда, әйтеуір адал жүріп, ақ айтатын әділетті жан боламын дейтін. Ұстаздары Қуаныштың алғырлығына тәнті болатын. Берілген тапсырманы жылдам орындап, жаңа тақырыпқа дайын отыратын. Жоғары оқу орынында жүргенде де ол досқа деген көмегі кемімесе азайған емес. Жаңа ортада жаңа достар тапты. Ал жаңа орта жаңаша көзқарас қалыптастырды. Десе де ол өз бойындағы асыл қасиеттен ажырап қалмады. Қашанда ақ-қарасын тура айтты. Ол жоғары оқу орынында жүргенде құқықтық заңнамаларды жан-жақты игерді. Көркем әдебиеттерден бастап, құқықтық әдебиеттерді көз майын тауыса оқыды. Іздене жүріп, көптеген дүниелерді үйренді. Қуаныш Қуатұлы өз саласына тамаша тәжірибе жинақтап, ысылып, қыр-сырын терең меңгеріп келді. Заңды жетік білетінін дәлелдеп, берілген жұмысты белгіленген уақытта жылдам әрі сапалы орындау қабілетімен ерекшеленді. Өзінен бұрынғы мол тәжірибелі заңгер ағаларының ақыл-кеңесіне ден қоя білді.
      2019-2023 жылдар аралығында көптеген блогерлермен жұмыс істеп, Алматы облысы, Жамбыл ауданында жағдайы төмен, мұқтаж және мүмкіндігі шектеулі жандарға қамқорлық көрсетіп, 30 отбасыға үй алып беруге, жәрдемдесіп үйлі болуына себепкер болды. 2019 жылы жағдайы төмен, мұқтаж және мүмкіндігі шектеулі жандарға, көптеген отбасыға азық-түлікпен көмектесті. 
      2021 жылы Алматы облысы, Жамбыл ауданы, Ұзынағаш ауылдық округінін әкімі Б.Бейсембековтан Алғыс хат алды. 2022 жылы елімізде орын алған қаңтар оқиғасы мен төтенше жағдай кезінде азаматтық міндеті мен белсенділік танытып, ауданнын тыныштығын қамтамасыз етуде атқарған қажырлы еңбегі үшін Алматы облысы, Жамбыл ауданынын әкімі Н.Ертастан Алғыс хат алды. 2022 жылы Еліміздің әлеуметтік-экономикалық дамуына қосқан үлесі үшін "Еңбек үздігі" құрметті атағымен марапатталды.
      Жұмыстың көзін білетіндіктен Қуаныш Қуатұлынан ақыл-кеңес алуға келетіндер де көп. Ол әркез еңбектен үйренгенін өзгелерге айтудан жалыққан да емес. Қызметте абырой тұғыранан көріне білген ол елжандылығымен қоса көпшілік арасында биік беделге ие азаматтың бірегейі.